Presidenti i SHBA, Donald Trump nuk dekurajohet nga kërcënimet e Iranit për të sulmuar anijet amerikane nëse bllokada e porteve të tyre vazhdon dhe paralajmërimet nga gjeneralët iranianë se “këmbët e tij do të thyhen” nëse e shpall Ngushticën e Hormuzit “territor të SHBA-së”
Kështu, në një postim në Truth Social, ai ngarkoi një hartë të Ngushticës së Hormuzit me frazën “Territor i Ri i SHBA-së”.
Zëvendësministri i Jashtëm iranian, Kazem Gharibabadi, iu përgjigj postimit duke paralajmëruar se “iluzioni” i Trump në lidhje me sovranitetin e Ngushticës do të korrigjohet së shpejti.
“Së shpejti, iluzioni i Trump në lidhje me Ngushticën e Hormuzit do të korrigjohet, ose ne do të korrigjojmë iluzionet e këtij njeriu të mashtruar”, shkroi Gharibabadi.
