KQZ ka bërë zyrtar rezultatin sa i përket Këshillave Bashkiakë në zgjedhjet e 14 Majit.
Për këshillat Bashkiakë ishin në garë 1613 mandate për 61 bashkitë e vendit, ku shumicën e tyre e ka marrë Partia Socialiste.
Sipas të dhënave nga KQZ, Partia Socialiste ka marrë 758 mandate. Më pas e dyta si forcë renditet koalicioni Bashkë Fitojmë me 292 mandate ndërsa PD e vulës renditet forcë e tretë me 7 mandate më shumë se PSD e cila ka marrë 116 mandate.
Nga të dhënat zyrtare shihet qartë se PS-ja jo vetëm ka fituar numrin më të madh të kryetarëve të bashkive në rang vendi me 53 + 1 në koalicion me subjektin politik MEGA, por rendit forca e parë politike edhe sa i përket proporcionalit, duke marrë pjesën dërrmuese të vendeve në këshillat bashkiakë.
