Një servis makinash ka shpërthyer me tritol në mesnatë në zonën e Ishull-Shëngjinit. Mësohet se është sulmuar biznesi në pronësi të shtetasit Tol Mhillaj, por fatmirësisht nuk ka persona të lënduar.
Grupi hetimor vazhdon veprimet hetimore për sqarimin e plotë të rrethanave e motivit të ngjarjes, si dhe identifikimin dhe kapjen e autorit. Paraprakisht, bëhet me dije se sasia e lëndës plasëse është vendosur në fasadën e xhamit të biznesit.
Servisi ka qenë i mbyllur në momentin e shpërthimit, ndaj nga ngjarja ka vetëm dëme materiale.
“Në mesnatë, në Ishull Shëngjin, te porta e servisit të automjeteve në pronësi të shtetasit T.M., 58 vjeç, është vendosur një sasi lëndë plasëse, ku si pasojë e shpërthimit të saj janë shkaktuar vetëm dëme materiale. Grupi hetimor vazhdon veprimet hetimore për sqarimin e plotë të rrethanave e motivit të ngjarjes, si dhe identifikimin dhe kapjen e autorit”, njofton Policia.