Akt i ri i bujshëm kryengritjeje në Kremlin. Këtë herë, Igor Volobuev, nënkryetar i Gazprombank, një gjigant financiar shtetëror, po rebelohet kundër Vladimir Putinit. Ekzekutivi shumë i lartë njoftoi se ai ishte arratisur nga Rusia për të luftuar përkrah forcave ukrainase. Volobuev, bëhet kështu zyrtari i katërt i njohur që i ka thënë jo luftës në Ukrainë, duke shpëtuar nga kontrolli i propagandës ruse. Kjo është raportuar nga gazeta The Moscow Times . Volobuev dyshohet se u largua nga vendi që më 2 mars, disa ditë para fillimit të të ashtuquajturit “operacion special ushtarak” në Ukrainë. Pas disa orësh, sapo kaloi kufirin, iu bashkua forcave të mbrojtjes territoriale të Ukrainës. “Unë nuk mund të shikoja se çfarë po i bënte Rusia atdheut tim,” tha Volobuev, i lindur në qytetin verilindor të Ukrainës, Okhtyrka. Gazprombank kishte qenë gjithashtu në qendër të një ngjarje të përgjakshme disa ditë më parë. Para Pashkëve Vladislav Avayev, ish-zëvendëspresident i institutit, u gjet i vdekur në shtëpi me një armë në dorë, së bashku me gruan e tij shtatzënë Yelena dhe vajzën e tyre 13- vjeçare. Një gjest i çmendur që autoritetet e Moskës nuk kanë mundur ta hedhin dritë. Në të njëjtat orë, numri një i gjigantit të naftës Lukoil, Vagit Alekperov , dha dorëheqjen, i cili tashmë ishte ekspozuar duke u deklaruar kundër ndërhyrjes ushtarake në Ukrainë dhe që, pavarësisht kësaj, ishte prekur personalisht nga sanksionet e Britanisë së Madhe ndaj oligarkëve rusë. Akoma më e bujshme ajo që ndodhi disa ditë më parë në Lloret de Mar të Spanjës: Sergey Protosenya , 55 vjeç, dyshohet se vrau gruan dhe vajzën 18-vjeçare dhe më pas u vetëvra. Nënkryetar i gjigantit të gazit Novatek, u gjet i varur në oborrin e vilës së tij. i biri, i cili i shpëtoi masakrës pasi nuk ishte në Spanjë, akuzon dhe flet hapur për vrasje.
