Këshilli i OKB-së për të Drejtat e Njeriut është mbledhur sot me urgjencë pas sulmeve ruse në Ukrainë. Ky këshill ka mbështetur me shumicë dërrmuese një rezolutë që dënon pushtimin rus dhe ngritjen e një komisioni për të hetuar krimet e supozuara të luftës dhe krimet kundër njerëzimit.
Rusia mbeti plotësisht e izoluar, me vetëm një shtet tjetër anëtar – Eritrea, që votoi kundër rezolutës.
Një komision hetimor është niveli më i lartë i hetimit që këshilli mund të urdhërojë – ka një për Sirinë, tani do të ketë një për veprimet e Rusisë në Ukrainë.
Rezultati i votimit – 32 pro, 2 kundër dhe 13 abstenime – është një poshtërim për Moskën, shkruan BBC.
Kina, Kuba ose Venezuela që zakonisht besohet se mund të mbështesin Rusinë – këtë herë abstenuan.
Por disa shtete që votuan në favor të rezolutës, e cila u paraqit nga Ukraina me mbështetjen e Mbretërisë së Bashkuar dhe SHBA-së, shprehën shqetësimin që formulimi i saj ishte i njëanshëm.
