Këngëtarja Fifi pësoi kriza paniku kur Granit Cana i tha se i shikon vetëm si motër dhe asnjë gjë më tepër. U desh ndërhyrja e ambulancës për ta qetësuar këngëtaren.
E menjëherë e gjithë situata e krijuar brenda shtëpisë së “Big Brother VIP” shkaktoi shumë zhurmë në rrjet. Madje lidhur me ngjarjen ka reaguar edhe motra e Granitit, Genta Cana. Kjo e fundit ka shpërndarë një postim ku shkruhet se ish-futbollisti pëlqen Semin dhe se është e lumtur që e ka larguar nga vetja Fifin.
“Ti je brenda por unë jam jashtë e luftova fuqishëm lidhjen tuaj. Luftova për nxitjen dhe presionin qe vazhdimisht ta bënin si brenda dhe jashtë. Mu kundërvunë, me shanë, me fyen. Pse? Sepse tek ty pashe diçka tjetër me dike tjetër. Te gjithë panë Semin me Donaldin por unë pashe ty dhe Semin. Do dalin këto fjale e ti vëlla rri i qete, u lehtësove nga ajo e çmendur, shpëtove nga ajo e sëmure mendore, psikopate, manjake dhe një njeri shume i ulet e i vogël. Forca Granit te do Kosova, te do Shqipëria”, ka shkruar fillimisht ajo.
Më pas, moderatorja e njohur e ka fshirë postimin dhe ka shkruar se nuk ka asgjë personale me Fifin.
“Merreni pak më shtruar punën e Big Brother. Më keni bombarduar me mesazhe bombarduar me mesazhe nga më të ndryshme. Asgjë nuk kam kundër Fifit si person e as si artiste. E respektoj çfarëdo ndjenje mes tyre, qoftë shoqëri apo diçka tjetër dhe zgjedhja i takon atyre se janë dytë të rritur. Por për lojë brenda BB duket se po dëmtojnë njëri-tjetrin”, shkruan ajo.
Kujtojmë se pak kohë më parë Genta u shpreh se Fifi ishte e mirëpritur në shtëpinë e tyre. Ajo e quajti kunatë dhe për më tepër shtoi “E njoh Granitin, e di që e ka seriozisht”.
