Askujt nuk ia mori mendja që moderatorja e njohur Bora Zemani dhe ish i dashuri Donaldi, do takoheshin në shtëpinë e ‘Big Brother Vip’ dhe aq më pak të ribashkoheshin me njëri-tjetrin.
Takimi mes tyre është një nga momentet më të bukura televizive, pasi kërkon shumë guxim të flasësh me ish-të dashurin në shtëpinë më të famshme në Shqipëri.
Mëngjesin e sotëm producentja e “Big Brother VIP Albania”, Lori Hoxha, ka treguar në Instastory atë që menduam të gjithë. Teksa ka publikuar foton e një filxhani kafeje, me nota humori ka shkruar: “Mirëmëngjes vetëm Bora Zemanit!”.
Edhe Lori, ashtu si shumë të tjerë, është përfshirë e emocionuar nga skena romantike dhe emocionuese. Vlen të theksohet se veprimi i Borës ka patur mbështetje maksimale në publik dhe sigurisht audiencë maksimale.
Momenti i bukur dhe romantik nuk u ka shpëtuar as artistëve si Mozzik, Getinjo, Elgit Doda, Ermal Fejzullahu që kanë treguar mbështetjen e tyre në rrjetet sociale.
Që mbrëmjen e djeshme video e takimit mes Borës dhe Donaldit është më viralja në rrjetet sociale.
