Media greke raportojnë të tjera detaje rreth vrasjes së paralajmëruar të gruas shqiptare nga bashkëshorti i saj, 39-vjeç. Pasi i kishte ngulur thikën dhe i kishte marrë jetën, shqiptari shkoi dhe u dorëzua në Komisariat, ku në gjendje të qetë shpirtërore, pranoi krimin duke u shprehur se e gjitha kishte ndodhur për shkak të xhelozisë së tij.
Sipas ekspertizës mjeko-ligjore, vdekja erdhi nga dy dëmtime të thella në qafën e mitrës, ndërsa është vënë re se viktima nuk ka bërë rezistencë, ndërsa ekspertët shtojnë se e reja mund të ketë qenë në gjumë. Por ky version nuk përputhet me atë të fqinjëve. Po ashtu shtohet se viktima nuk kishte plagë të tjerë që mund të linin të kuptoje se autori kishte qenë i dhunshëm edhe më parë me të.
Dëshmitë e fqinjëve dhe miqve, si dhe informacionet e mbledhura, flasin për një ferr që bashkëshorti kishte krijuar për gruan e tij, me të cilën kishte dhe një fëmijë. Duket se vajza po jetonte një makth, pasi burri i saj e kishte zënë në grackë dhe nuk e linte që të shkonte askund pa të. 31-vjeçarja Anisa i kishte rrëfyer një shoku ferrin që po jetonte dhe madje kishte shprehur dhe mundësinë për një divorc. Po ashtu miku tregoi se Anisa i kishte thënë që edhe familja e saj e dinte se në çfarë kushtesh ndodhej por nuk e kishin ndihmuar.
Ajo që e bën më shokuese të gjithë ngjarjen është mosreagimi i Policisë greke, e cila në një sherr të ngjashëm pak kohë më parë, edhe pse ishin thirrur nga fqinjët, nuk kishin reaguar. Edhe pasi kishin ardhur në vendin e ngjarjes 25 minuta me vonesë, thjesht kishin kontrolluar nga jashtë zonën nga xhami i ballkonit, e më pas ishin larguar pa e marrë në pyetje të dhunuar dhe për t’i ofruar ndihmë.
