Finalizohet një tjetër operacioni i fuqishëm nga SPAK, ku në pranga kanë rënë zyrtarë të lartë dhe kryetari i Bashkisë së Lushnjes. Deri më tani janë ekzekutuar 10 masa sigurie.
Personat e arrestuar janë vartës (bashkëpunëtorë) të Tushes dhe biznesmenë që dyshohen se kanë abuzuar me fonde publike.
Janë zbardhur edhe emrat e parë:
TË ARRESTUAR
Fatos Tushe
Flamur Peqini
Xhemal Hasko
Blerta Turuku
Ani Simoni
Andri Mushaj
Margarita Gjermeni
Bujar Murati
Ibrahim Lami
Xhemal Hasko
Gazment Çela
Në këto momente vazhdon bastisja e zyrave të bashkisë, mes tyre drejtoria e urbanisitikës, aty ku dyshohet se ka materiale që do të provojnë akuzën e SPAK atë të përfshirjës në korrupsion pasiv të zyrtarëve publikë.
Ndërkaq FNSH e RENEA po kryejnë kontrolle edhe në Kadastrën e Lushnjës dhe në ndërmarrjen e pasurive publike në Lushnje. Ky operacion që drejtohet nga Manjola Kajana vjen pas një hetimi disa mujor. Është një operacion që do të vijojë jo vetëm në Lushnje, por do të shtrihet në disa qytete.
Ishte kreu i SPAK Arben Kraja ai që paralajmëroi se ata qe kanë abuzuar me fondet publike do të ndëshkohen.
