Epidemiologu Ilir Alimehmeti thotë se deri tani imuniteti natyror ka një ngjashmëri mbrojtje me vaksinën Pfizer.
“Imuniteti natyror është superior. Pfizer ka efektivitetin më të lartë nga të gjitha. Përsa i përket hospitalizimeve është njësoj, infeksioni natyror është superior, ndërsa për riinfektimet nuk ka patur”, tha ai për Tv Klan.
Në studimin e nxjerrë nga autoritetet izraelite rezultoi se ata që janë vaksinuar me Pfizer kanë 93% mbrojtje për t’u infektuar, ndërsa ata që kanë kaluar Covid-19 kanë 95% mbrojtje për t’u riinfektuar.
Po ashtu, personat që janë vaksinuar dhe ata që kanë kaluar Covid nuk kalojnë rast të rëndë të Covid dhe as nuk shtrohen në spital.