Më në fund një lajm i mirë dhe shpresëdhënës vjen nga studimi i përbashkët i ekspertëve të firmës Pfizer dhe atyre të fakultetit të mjekësisë në Universitetin e Teksasit. Vaksina e firmave Pfizer/BioNTech, krijon mbrojte kundër infektimit edhe nga variantet e reja të koronavirusit të shfaqura në Britaninë e Madhe dhe Afrikën e Jugut.
Nga analizat laboratorike të mostrave të gjakut të 20 personave të cilëve ju ishte injektuar kjo vaksinë u zbulua se sistemi i tyre imunitar kishte neutralizuar të dy variantet e reja të koronavirusit.
Mutacionet e reja të virusit u zbuluan në Dhjetor të vitit të kaluar dhe kanë vetinë të përhapen më shpejt dhe të jenë më ngjitëse, por jo më vdekjeprurëse.