I thashë që jam biznesmen dhe fitoj 800 mijë lekë në muaj/I riu rrëfen si ‘e mashtroi’ vajzën nga Korça

0
274

Ramiz Debreshi, 24 vjeç me origjinë nga Dibra, por që ka jetuar në Durrës së bashku me prindërit, prej disa kohësh jeton me të dashurën në qytetin e Korçës. Ai ka ardhur të rrëfejë historinë e tij të dashurisë me Katerinën në rubrikën“Ka një mesazh për ty” të cilën për shkak të disa gabimeve që ka bërë e ka zhgënjyer shumë.

“Unë në vitin 2016 punoja si agjent shitjesh për produkte ushqimore dhe në një dyqan përballë shkollës, shikoj një vajzë që më la shumë përshtypje. Pas 2 javësh kthehem në Korçë dhe pashë të njejtën vajzë prap. Thashë do interesohem dhe gjej një person që e njihte atë vajzë.

E marr në kafe dhe pa i rënë në sy i them shiko kjo vajza nuk më duket vajzë e mirë, ai më tha e ke shumë gabim, është një vajzë shumë e mirë dhe është nga një fshat i quajtur Zvirinë. Në atë moment e kuptova që ishte nga Zvirina dhe do e dija se ku do e prisja e ku do e shihja. Ajo shkonte vazhdimisht në shkollë me biçikletë dhe i them që e di që biçikleta jote nuk ka frena, por bëj si të bësh ndalo dhe të flasim pak. Ajo ma kthen duke thënë nuk kam asnjë interes nga biseda jote.

Më pas vazhdoja tentativat e mia derisa e takova dhe e binda që të pinim një kafe tek Pazari i Korçës. I tregova për familjen dhe vazhduam të takoheshim më shpesh. Unë fillova të frekuentoja Korçën më shpesh dhe dilja me Katerinën, derisa arritëm në atë konkluzionin që ne vërtet po ndjenim diçka për njëri-tjetrin.

Në një nga takimet tona ka qenë edhe një përqafim i joni. E kam puthur për herë të parë në ballë sepse në ballë puthen princeshat. Në përqafimin e parë që i dhashë ndodhi një gabim. Nuk isha i drejtë dhe e kam mashtruar. Unë doja të dukesha dhe i them që ky biznesi që punoj nuk jam i punësuar por është biznesi im. I them që të ardhurat e mia janë rreth  800 mijë lekë të vjetra, ndërkohë që unë kisha një rrogë 400 mijë lekë të vjetra. Këto fjalë nuk i interesonin Katerinës. Vazhduam një lidhje normale për 3 vite dhe pa problematika të mëdha së bashku dhe në disa pjesë fillova ta gënjeja prap, është shprehur Ramizi.

Ajo më thoshte vazhdimisht të kujdesem dhe të kursej lekë sepse do na duhen më vonë. Unë isha shumë alegro, dilja me shokët , e ekzagjeroja shumë me prishjen e lekëve. Unë i thoja që lekët i kam depozituar në bankë, ndërkohë që nuk kisha depozituar asgjë.

Në 2019 halla e saj ndërmjetëson që të fejohet Katerina dhe unë i thashë familjes simë për të shkuar në Korçë për të biseduar. Unë nuk kisha raport të mirë me babain dhe i them mamasë. Ata biseduan bashkë dhe babai nuk ma prishi qejfin. Në atë periudhë babai kishte rreth 6 muaj që ishte shkëputur nga alkooli. Shkojmë në Dhjetor dhe bëjmë fejesën. Duke e frekuentuar Korçën 2-3 herë në javë, vendos të shpërngulem aty. Në atë kohë, kam jetuar 8 muaj në shtëpinë e Katerinës. Prindërit e Katerinës më hapën derën si të isha djali i tyre. Unë kisha të njëjtin problem me prishjen e lekëve. Një moment shoh disa pika loti në sytë e Katerinës që donte të thoshtë të lutem ndrysho. Katerina mori vesh çdo gjë dhe u detyrua të përballet me famijen e saj sepse kishte dalë garante për mua dhe unë e zhgënjeva. Unë kisha marrë lekë në bankë dhe këstin e fundit nuk e shlyeja dot dhe i thashë Katerinës dhe më ka nxjerrë nga balta duke paguar borxhin në bankë”, është shprehur Ramizi.

LEAVE A REPLY

Please enter your comment!
Please enter your name here