Preng Gjini është personi që mbeti i plagosur rëndë ditën e sotme në atentatin e organizuar me lëndë plasëse. Bëhet me dije se objektivi ka qenë pikërisht Gjini, vëllai i Armando (Tonin) Gjinit, ish-ushtari i Met Kananit që u ekzekutua në Rrëshen.
Atentati është realizuar me telekomandë, ndërkohë që lënda plasëse, ishte vendosur poshtë sediljes së shoferit, pikërisht në vendin ku ndodhej edhe Gjini, në automjetin e llojit “Golf”, ngjyrë gri. Preng Gjini ka qenë edhe efektiv pranë Gardës së Republikës.