Që nga divorci me Angelina Jolie, Brad Pitt nuk ka pasur një lidhje zyrtare, me gjithë spekulimet e shumta, por duket se gjërat tani janë ndryshe për aktorin e Hollywoodit.
Pas thashethemeve se Pitt po planifikon të pajtohet me ish-gruan e tij Jennifer Aniston, dhe spekulimet për natyrën e marrëdhënies së tij me kolegen Alia Shouket, tani mediat botërore shkruajnë se e zgjedhura e tij e re është bukuroshja gjermane Nicole Poturalski.
Aktori 56-vjeçar është fotografuar duke zbritur në një helikopter privat në jug të Francës, ku ai do të qëndrojë në pronën e Kalasë së Miraval, në shoqërinë e Nicole, transmeton KP.
Përkundër faktit se ata të dy mbanin maska, paparacët nuk e humbën ardhjen e tyre dhe arritën të zbulojnë gjithçka në lidhje me jetën e kësaj vajze në kohë rekord.
Nicole është 27 vjeç dhe punon si modele dhe aktualisht ka një kontratë me agjencinë Next Management në Los Anxhelos dhe agjencinë A Management në Gjermani. Deri më tani, ajo është shfaqur në ballinat e revistave El, Cosmopople dhe Marie Claire, dhe shumë e krahasojnë me Irina Shayk. Ajo ishte pjesë e shfaqjeve prestigjioze të modës në Nju Jork, Paris dhe Milano, dhe raportohet se është një nga modelet më të preferuara të stilistes Vivienne Westwood.
Ajo ka vite që jeton në Berlin, dhe është me origjinë Polake. Ajo merret me modelim për rreth dhjetë vjet, por ajo i është përkushtuar edhe arsimit – mjafton të themi se ajo flet rrjedhshëm disa gjuhë botërore!
