Mësohet se i plagosuri me armë zjarri në Peqin ndodhet jashtë rrezikut për jetën në spitalin e Traumës. Besmir Hakballa ka postuar edhe një selfie në rrjetet sociale ku shfaqet në gjendje shumë të mirë.
31- vjeçari u qëllua me armë zjarri nga një person që tashmë është identifikuar nga policia me inicialet A.M. ku vijon puna intensive për kapjen e tij.
I plagosuri ka qenë i arrestuar si i dyshuar për grabitjen e banesës së personit Skënder Zeqiri rreth një vit më parë në Peqin, ku në bashkëpunim me dy të tjerë akuzohen se morën 65 milionë lekë të vjetra në lagjen Xhami.