Greqia ka zgjedhur Presidenten e re, e para grua në historinë e Greqisë. Do të jetë Ekaterini Sakelaropulu që do të mbajë postin e Presidentes. Por kush është presidentja e re, Ekaterini Sakelaropulu që ka lindur në Selanik në vitin 1956 nga një familje gjykatësish.
Babai i saj Nikolaos Sakellaropulos ishte Nënkryetar i Gjykatës Supreme.
Ajo studioi Juridik në Universitetin e Athinës, ku u diplomua në vitin 1978. Ka ndjekur kurse pasuniversitare në të drejtën kushtetuese dhe administrative në Universitetin Paris.
Në nëntor 1982, u emërua relatore në Këshillin e Shtetit.
Ekaterini ka qenë Presidente e Shoqatës së Oficerëve Gjyqësorë të CoE (1993-1995), Sekretare e Përgjithshme (1985-1986), Nënkryetare (2006-2008), dhe anëtare e Komitetit Qendror Legjislativ (1993-1995).
Më 23 tetor 2015, u emërua në pozicionin e zv.Presidentes dhe u vendos në Seksionin e Tretë, si zëvendëspresidente. Nga Marsi 2015 deri në vitin 2019 ishte Kryetare e Bordit të Shoqatës Greke për Ligjin e Mjedisit.
Ajo tani është zgjedhur Presidente, e para grua në historinë e Greqisë.
Presidentja e re mori 261 vota pro, 61 më shumë se kërkon Kushtetuta, dhe 33 vota u abstenuan.
