Policia zvicerane ka arrestuar një 43-vjeçar nga Durrësi. Mësohet se në pranga ka rënë Glerian Hyseni.
Ai ishte shpallur në kërkim ndërkombëtar. Gjykata e Tiranës e ka dënuar me 6 vite burg për veprën penale “Mbajtja pa leje e bombave, minave ose lëndëve plasëse”.
Ky veprim është e kryer në sasi të mëdha, në bashkëpunim, më shumë se një herë, nga 43-vjeçari.
Policia njofton:
Interpol Tirana
Një tjetër person i kërkuar ka rënë në pranga, falë bashkëpunimit të Interpol Tiranës me homologët.
Kapet në Zvicër dhe ekstradohet në Shqipëri 43-vjeçari i dënuar me 6 vite burg.
Nga specialistët e ZQK Interpol Tirana u bë ekstradimi nga Zvicra drejt vendit tonë, i shtetasit shqiptar Glerian Hyseni, 43 vjeç, banues në Durrës.
Ky shtetas ishte shpallur në kërkim ndërkombëtar, pasi Gjykata e Shkallës së Parë për Krimet e Rënda Tiranë e ka dënuar këtë shtetas me 6 vjet burg, për veprën penale “Mbajtja pa leje e bombave, minave ose lëndëve plasëse”, e kryer në sasi të mëdha, në bashkëpunim, më shumë se një herë.
PËRSHKRIM I PËRMBLEDHUR I NGJARJES:
Shtetasi Glerian Hyseni, në bashkëpunim me shtetasit Sh. Gj., A. M. dhe H. H., kundrejt pagesës dhe për qëllim fitimi arrinte të gjente sasi lëndësh plasëse që shpërthenin në distancë me anë të celularit, si dhe armë e municione të ndryshme luftarake.
