Një objekt hapësinor i zbuluar nga shkencëtari rus Gennady Borisov në gusht 2019 i përshkruar fillimisht si kometë nga studiuesit, mund të rezultojë të jetë një anije aliene, ka sugjeruar një studiues nga Kalifornia. Dr, Seth Shostak, astronom i Institutit të kërkimeve për jetë jashtë-tokësore në Kaliforni tha se objekti misterioz mund të jetë një sondë hapësinore ndër-yjore e pilotuar nga qenie super-inteligjente. Javën e kaluar shkencëtarët e Observatorit Gemini në Hawaii bënë foto të objektit të quajtur C/2019 Q4 dhe nga pamjet ka më shumë gjasa që ai të jetë një kometë pasi ka një bisht të zgjatur si rezultat i gazeve të lëshuara nga pas, por Shostak thotë se nuk duhet eliminuar mundësia që objekti i paidentifikuar të jetë një anije aliene. “Nuk mund të përjashtojmë mundësinë që të jetë një anije inter-stelare. Nëse e shikojmë mirë mund të konkludohet se ka përbërie të jashtme prej metali, ndoshta me vrima portesh për hyrje dalje, apo ndoshta me fytyra të vogla jeshile që na shikojnë me çudi. Por unë vë bast rrogën e muajit që është vetëm një kometë”, tha Shostak për gazetën Sun. Megjithë shakatë dhe entuziazmin, Dr Shostak, është i dedikuar në kërkimin e origjinës së jetës dhe sinjaleve të mundshme jashtë-tokësore, prandaj thotë se4 objekti duhet kontrolluar për sinjale radio. “Nuk kam dyshime se ka jetë aliene, pasi sikur të ishte kështu ne nuk do të ishim në punën që jemi. Është e mundur që ata të kenë vizituar tokën dikur, në një pikë të ekzistencës së saj, 100 milionë vjet më parë, një miliardë vjet më parë, nuk mund ta dimë”, thotë ai.
