Ilir Meta e bëri hapin e radhës me dekretin e tij, duke goditur me gurë urrejtje shenjtërinë e institucionit që askush nga parardhësit skishte guxuar ta përdhoste, përfshirë dhe Sali Berishën.
Presidenca e sotme nuk është më institucioni i unitetit të kombit, por teqeja e sektit të baba Likes që kutërbon erë kërme të ngordhur që nga dita që vuri këmbën koka e ndritur e inteligjencës shqiptare.
Pasi prodhoi një terminologji antikushtetuese me fenomenin çdekretimduke anuluar zgjedhjet e 30 qershorit, Likja i presidencës mori kurajën ta godasë me një gur tjetër kushtetutën e Shqipërisë duke mbivendosur një datë tjetër zgjedhjesh.
E vulosi përfundimisht me turp daljen e tij nga politika si njeri kokëtrashë dhe antikombëtar. Presidentit të republikës kjo kushtetutë i njeh vetëm në nenin 92 paragrafi gj të drejtën të dekretojë zgjedhjet.
E vetmja e drejtë që rrjedh është dekretimi, gjithçka tjetër është antikushtetuese. Por stili i Likes gjithmonë ka rrjedhur në paligjshmëri dhe pehlivanllëqe që i kanë mbushur dosjet në shumë institucione ligjzbatuese, të cilat në raport me bllokun 700 mijë dollarësh janë ajsberg gjigand para një topi bore.
Është kjo fatkeqësi që e detyruan të çohet i fandaksur që në 4 të mëngjezit për të bërë hapin e radhës të marrëzisë të një njeriu që ka disa kohë që bashkëjeton me tmerrin e inkuizicionit.
Sytë e zgurdulluar, fjalët pa lidhje, fytyra e zbardhur dhe etja për ujë ishin simptomat e një njeriu që ka humbur logjikën dhe përjeton një krizë totale çmendurie. Sëmundja i është përsëritur.
Simptoma të tilla i janë shfaqur dhe në momentin që Fatos Nano e rrëzoi nga kryeministër. E thënë nga goja e një ministri socialist mik i tij dhe vartës i tij, pasi i dërguan lajmin se do i shkonte policia në shtëpi për ti kontrolluar paratë, humbi kontrollin u shtri në krevat dhe as jepte e merrte.
Nga goja e tij përsëriteshin shprehjet 4×4, si refren i një kënge të ngelur në kasetë të prishur. U desh shumë kohë të merrte veten dhe sot është në të njëjtin pozicion. Simptomat e tij tregojnë se ka probleme serioze me shëndetin mendor. Edi Rama është duke kryer krim të rëndë ndaj tij pasi në vend ta çojë në vizitë te pesa vazhdon ta torturojë me mocione shkarkimi, të cilat po i rëndojnë çdo ditë shëndetin. Zot na ruaj presidentin dhe qoftë me kaq.
