Forcohet pasaporta shqiptare, zbuloni në sa vende mund të lëvizim pa viza

0
1011

Qytetarët shqiptarë mund të lëvizin lirshëm në 116 vende të botës. Raporti i fundit i “Hanley&Partner” konfirmon përmirësimin e Shqipërisë në drejtim të lëvizjes së lirë, pasi e rendit vendin tonë të 48-in në rang botëror, përsa i përket pasaportave më të fuqishme. Ndërkohë, në indeksin e publikuar në muajin janar (i cili rishikohet çdo tre muaj), Shqipëria listohej e 50-ta, me lëvizjen e qytetarëve pa viza drejt 115 vendeve.“Shqipëria, për shembull, ka lëvizur deri në 28 vende në indeks gjatë dhjetë viteve të fundit, ku qytetarët mund të lëvizin në 116 destinacione pa vizë paraprake”, thuhet në njoftimin zyrtar të ‘Hanley.’ Në Evropë, pasaporta gjermane mbetet dokumenti më i fuqishëm i udhëtimit, ku shtetasit gjermanë mund të lëvizin pa viza drejt 188 vendeve. Ndërsa, Japonia, Koreja e Jugut dhe Singapori vijojnë të kryesojnë listën si vendet me pasaportat më të fuqishme në botë, duke ndarë mes tyre vendin e parë. Mbajtësit e pasaportës së secilit nga këto tre vende mund të vizitojnë 189 shtete pa pasur nevojë për vizë. Nga ana tjetër, vendi europian me pasaportën më ‘të dobët’ është Kosova, e cila renditen në vend të 95, ku qytetarët mund të lëvizin lirshëm vetëm drejt 43 vendeve, duke përfshirë katër vendet fqinje, Shqipërinë, Malin e Zi, Serbinë dhe Maqedoninë.

LEAVE A REPLY

Please enter your comment!
Please enter your name here