Gazetari Artan Hoxha i ftuar në emisionin “Top Talk” në Top Channel ka komentuar ngjarjen e rëndë që tronditi qytetin e Shkodrës mesditën e djeshme.
Hoxha ka thënë se vrasja e Fatos Ferracakut është vazhdimësi e një rrjeti vrasjesh, të kryera nga vrasës me pagesë, ndërsa porositësi është dikush tjetër.
“Kemi 7 persona të vrarë dhe dy të zhdukur nga 18 qershori deri ditën e djeshme, në Shkodër. Vrasja e 18 qershorit nuk u zbulua autori.
Vrasja në 15 korrik e Boran Berçanës, prishi një statuskuo të vendosur në këtë qytet. Vrasja në 10 gusht e Fatbardh Lisit, ende nuk është zbuluar.
Ndërsa në 23 Gusht zhduken nip e dajë kurse në 1 shtator në Shkodër kemi vrasjen e Arjan Ferracakut. Vrasja e djeshme e Fatos Ferracakut është vazhdimësi e këtij rrjeti vrasjesh.
Në këtë rast kemi të bëjmë me vrasës me pagesë dhe porositësi është dikush tjetër”, u shpreh Hoxha.