Gjykata e Tiranës ka lënë në burg, të arrestuarin për ngjarjen e ndodhur në Bllok pak ditë më parë ku mbeti një person i vrare dhe tre të plagosur. Krimet e Rënda e kanë cilësuar të ligjshëm arrestimin e tij dhe i kanë vendosur masën e sigurisë arrest me burg me afat 45 ditë.
Akuza që është ngritur ndaj tij është “vrasje në rrethana cilësuese” pasi dyshohet se ka qenë i përfshirë në ngjarjen që ndodhi në Bllok.
PËRFSHIRJA NË NGJARJE
Policia e Shtetit ka zbardhur të shtunën rolin e Geldo Hotit, të arrestuarit të dy ditëve më parë, teksa tentonte të kalonte kufirin për në Greqi.
Geldo Hoti mësohet se ka qëlluar me armë gjithashtu, në momentin që dy grupet janë takuar për të sqaruar një mosmarrëveshje. Hoti, sipas burimeve, është mik me komandon Meviol Bilo dhe ka qëlluar me armë, duke i ardhur në ndihmë këtij të fundit gjatë konfliktit me Fabian Gaxhën.
AKUZAT
Ndaj Hotit rëndojnë veprat penale “Vrasje në rrethana të tjera cilësuese kundër dy ose më shumë personave, mbetur në tentativë e kryer në bashkëpunim” si dhe “Prodhimi dhe mbajtja pa leje e armëve luftarake dhe municionit”. Geldo Hoti ishte në të njëjtën tavolinë me komandon Merviol Bilo, me të dashurin e këngëtares Ervin Mata si dhe Fabiol Alushin..
