Një tërmet prej 4.8 ballësh ka rënë në Catania, Italia, në orën 2:34 min dhe ka shkaktuar lëndimin e dhjetëra personave nga shembjet që pësuan kryesisht godinat e vjetra. Disa qindra persona të tjerë e kaluan natën jashtë të trembur.
Tërmeti kishte si epiqendër qytetin Santa Maria di Licodia. Epiqendra e tërmetit ka qenë në thellësinë 9 km.
Të plagosurit janë dërguar në spitale të ndryshme të Catania-s me plagë të lehta.
Mbrojtja civile është në terren dhe ka regjistruar vendet ku kanë ndodhur shembje, si në Biancavilla, Santa Maria di Licodia e Adrano.
Tërmeti u ndie edhe në provinca të tjera, si Siracusa, Enna e Messina.
