Kryetarja e LSI, Monika Kryemadhi tregon detaje lidhur me planet e opozitës.
E ftuar në emionin ‘7pa5’ në Vizion Plus Kryemadhi u shpreh se edhe këtë javë opozita nuk do jetë në Kuvend. Numri një i LSI u shpreh se në vijim opozita nuk do ketë më mbledhje të përbashkëta në rrethe por aktivitete të tjera, teksa theksoi se do fillojnë përgatitjet për fushatën elektorale.
“Do të ketë aktivitete të tjera, ku të gjitha partitë e opozitës, pasi opozita sot është në mazhorancë numerike. Rama është minorancë sot. Do të vinë hap pas hapi, do fillojmë konsultimet me strukturat e partisë pastaj me qytetarët. Sigurisht që ne nuk mund t’i lëmë një proces Ramës që të bëjë s’i të dojë, por strukturat e opozitës, ne si LSI kemi filluar përgatitjet për bashkitë”, tha ajo.
