Tarifa për Rrugën e Kombit, protestuesit drejt Kukësit: Të shkulim traun

0
362

Në një kohë kur sot aplikohet për herë të parë taksa për Rrugën e Kombit, Kukësi ka paralajmëruar protesta. Kuksianë, qytetarë nga mbarë vendi, përfaqësues të shoqërisë civile do të mblidhen sot në qendër të Kukësit në orën 11:00, në shenjë kundërshtie për taksën në fjalë. Aplikimi i taksës nisi që në mesnatë, ndërsa kompania koncensionare bëri me dije se procesi ka nisur pa probleme.

Sipas informacioneve që disponon “BalkanWeb” në dispozicion janë vënë dy sportele, ndërsa për banorët e Kukësit janë dy të tilla. Kujtojmë se banorët lokalë e kanë tarifën të reduktuar, 100 lekë me TVSH.

Ndërkohë, në një prononcim për gazetarin e ‘News24’ Erjon Skendaj aktivisti Auron Kalaja tha se ‘lufta’ sapo ka nisur, ndërsa shtoi se mes Kosovës dhe Shqipërisë nuk duhet të ketë tra.

Protestë për të shkulur traun që ndan Shqipërinë nga Kosova. Do të bëhet në qendër të Kukësit, pasi qytetarët janë frikësuar. Ne do marrim iniciativat duke parë nga afër situatën. E fituam një betejë, por lufta sapo ka nisur. Ne po shkojmë në Kukës si qytetarë dhe s’jemi nga ata që e duan partinë mbi Shqipërinë”, Auron Kalaja. Po ashtu gazetari Skëndaj pohon se në hyrje dhe në dalje të tunelit ka prezencë të forcave të mëdha të FNSH-së, për të parandaluar kështu çdo skenar të mundshëm.

PËRGJIGJU

Shkruani komentin tuaj
Vendosni emrin tuaj