Dje në Kupën e Botës një nga lojtarët më të mëdhenj të historisë së futbollit shënoi një tjetër gol që edhe zyrtarisht e fut atë në listën e artë të golashënuesve nëpër botërorë. E kush tjetër veç Lionel Mesit, i cili shkëlqeu dhe një herë tjetër me gola e fitore. Thënë ndryshe, Lionel Mesi ka shkruar histori. Ai është bërë golashënuesi më i mirë në histori të Kupës së Botës. Mesi shënoi golin e fitores në Kupën e Botës për Argjentinën kundër Austrisë. Mesi në ndeshjen ndaj Algjerisë shënoi “hat-trick” dhe barazoi rekordin e Miroslav Kloses së Gjermanisë për gola të shënuar.
Me golin e parë ndaj Austrisë, Mesi ka arritur në shifrën e 17-të golave në Kupa të Botës. Mesi shënoi supergol në minutën e 38-të për rezultatin 1:0. Duhet thënë se për Argjentinën ishte një ndeshje e vështirë, ku vetë Mesi humbi një penallti në minutat e para, penallti e dhënë pas komunikimit që gjyqtari pati me VAR. Mesi në përgjithësi ishte protagonist i të gjitha aksioneve të Argjentinës, dhe pati mjaft raste shënimi, duke iu afruar ndjeshëm golit. Austriakët bënë gjithashtu një ndeshje të madhe, në të dy pjet, duke u mbrojtur, sulmuar e kundërsulmuar, por pa mundur të gjejnë rrugën e rrjetës.
skuadër e përgatitur nga ana fizike, Austria e lodhi shumë Argjentinën, e megjithatë nuk ia doli të merrte qoftë dhe një pikë. Vendimtar ishte goli i Mesit në pjesën e parë, një gol që i dha superioritet përfaqësueses së vendit nga Amerika Latine. Më tej, në minutat e fundit Mesi shënoi edhe golin e dytë për Argjentinën, pas një inkursioni të gjatë në mbrojtjen austriake, ku gjuajtja e parë u pengua nga mbrojtësit por me insistimin e tij “Pleshti me një të majtë të thatë dhe mes këmbëve të mbrojtësve gjeti edhe golin e dytë, një gol që ngriti në këmbë stadiumin. Sukses individual por edhe ekipor, pasi i dha tri pikë përfaqësueses argjentinase, e cila, me 6 pikë, kryeson grupin dhe siguron matematikisht kalimin në raundin tjetër.
Tani Mesit i mbetet vetëm të thyejë rekordet e golave në Botërorë dhe të regjistrojë të tjera statistika që e fusin atë në histori. Dygolëshi i djeshëm vjen pas një tjetër suksesi të madh që ai arriti në ndeshjen e parë ndaj Algjerisë, të cilës i shënoi tre gola. Në vetëm dy ndeshje, LIonel Mesi ka shënuar 5 gola, si askush tjetër më parë në historinë e Kupave të Botës. me këtë ritëm ai mund të thyejë rekorde të tjera në vazhdim.
