Lulzim Basha tur takimesh në SHBA, kryetari i PD zyrtare thirret në Uashington, ja detajet

0
51

Ish-kryeministri Sali Berisha i shpallur “non-grata” nga Departamenti Amerikan i Shtetit ka thirrur sot Kuvendin anti-amerikan të Rithemelimit, në të njëjtën ditë që kreu i Partisë Demokratike zyrtare Lulzim Basha niset për në Shtetet e Bashkuara të Amerikës. Sot Berisha përmes Kuvendit të tij Kombëtar do të rikonfirmohet në krye të grupit të tij, që nuk ka as logo, e as vulë, por vijon të mbajë godinën e selisë blu. Por ndërkohë që ditën e sotme Berisha ka thirrur organin më të lartë të çetës së tij anti-SHBA, gazeta “SOT” ka mësuar se zoti Basha do të niset drejt Uashingtonit, teksa mësohet se do të ketë takime të rëndësishme me personalitet atje.

 Mes të tjerash mësohet se Basha do të zhvillojë takime edhe me përfaqësues të Partisë Republikane dhe ndërkaq do të marrë pjesë edhe në një forumin e organizuar nga Unionin Ndërkombëtar Demokrat (IDU), i cili do të mbahet në Uashington nga datat 4 deri në 6 dhjetor të këtij muaji. Kujtojmë se forumet IDU mbledhin së bashku politikëbërës, zyrtarë të lartë partiakë dhe liderë të mendimit nga anëtarësimi ynë global dhe më gjerë. Mbledhjet e IDU-së lejojnë një shkëmbim të hapur dhe debate të fuqishme në një mjedis unik midis partnerëve me të njëjtin mendim, të përkushtuar ndaj vlerave të përbashkëta të lirisë dhe demokracisë. Forumet tona krijojnë vlerë për pjesëmarrësit duke ndërtuar marrëdhënie, duke diskutuar sfidat e politikave, duke ndarë praktikat më të mira për fushatën dhe qeverisjen dhe duke mbështetur partitë në demokracitë në zhvillim. IDU mban dy Forume çdo vit: Forumi ynë i IDU-së në Uashington, DC dhe një Forum i fokusuar në rajon që alternon vendndodhjen.

Në Forumin e DC të këtij viti, IDU është thellësisht e nderuar të presë pjesëmarrës të nivelit të lartë si HE Nana Addo Dankëa Akufo-Addo, Presidente e Ganës, Sviatlana Tsikhanouskaya, Presidentja e zgjedhur e Bjellorusisë, Senatori i SHBA Dan Sullivan nga Alaska, ish-kryeministrat Liz Truss, Scott Morrison, Erna Solberg, Enda Kenny, ish-presidenti ukrainas Petro Poroshenko dhe shumë të tjerë. Por vizita e Lulzim Bashës në SHBA, vjen pas shumë muajsh interpretimesh të bëra kryesisht nga ish-kryeministri Sali Berisha, enturazhi i tij dhe media pranë tij, se kreu legjitim i PD nuk lejohet të shkojë në Shtetet e Bashkuara të Amerikës për shkak se është përfshirë në lobime në SHBA, duke përdorur para të sponsorizuara nga Rusia.

Basha fton të rinjtë: Na ndihmoni me angazhimin në politikë

Nga ana tjetër, kryetari i Partisë Demokratike,  Lulzim Basha ka vijuar dje takimet. Zoti Basha zhvilloi një bashkëbisedim me studente dhe studentë të Fakultetit të Drejtësisë dhe Shkencave Politike, ku iu parashtroi atyre projektin e PD të Shqipërisë, në bashkëpunim me aleatët strategjikë, për të ndërtuar të ardhmen që të rinjtë meritojnë në atdheun e tyre. “Ne jemi një parti që e konsiderojmë futjen në BE si interesin më të lartë kombëtar, për Shqipërinë dhe për Kosovën. Zgjidhja përfundimtare e të gjithë problemeve 100 vjeçare të Kombit shqiptar, në vizionin tonë, është futja e të gjithë vendeve të Ballkanit në Bashkimin Europian.

 Dhe në kuadër të kësaj kemi edhe këto propozime. Në fund të fundit, çfarë janë? Plotësimi i kritereve të Bashkimit Europian për kapitujt e rendit dhe sigurisë dhe të drejtësisë, të konkurrencës, të drejtave politike, luftës kundër korrupsionit. Si mund të na ndihmoni? Me angazhim politik”, u shpreh Basha, citon zyra e shtypit e Partisë Demokratike.

LEAVE A REPLY

Please enter your comment!
Please enter your name here