Nga gabimi i pafalshëm i gjermanëve tek lufta e kotë SHBA-Kinë, çfarë këshillonte Henry Kissinger, “babai i diplomacisë amerikane”

0
105

I konsideruar si “babai i diplomacisë amerikane”, ish-sekretari i shtetit, Henry Kissinger, ka ndërruar jetë në moshën 100-vjeçare. Sipas mediave të huaja, ai ndërroi jetë në shtëpinë e tij në Connecticut të mërkurën. Politikani veteran kishte ndikim të madh në politikën e jashtme amerikane nën presidentët Richard Nixon dhe Gerald Ford. I lindur në Gjermani në vitin 1923, Kissinger u largua dhe u vendos në SHBA në vitin 1938. Gjatë tetë viteve si këshilltar për sigurinë kombëtare dhe sekretar shteti, Dr Kissinger u përfshi në ngjarje të mëdha të politikës së jashtme, duke përfshirë shembullin e parë të “diplomacisë së anijes” që kërkon paqen në Lindjen e Mesme, negociatat sekrete me Kinën për të ‘shkrirë’ marrëdhëniet midis superfuqive në zhvillim dhe nxitjen e bisedimeve të paqes në Paris për t’i dhënë fund konfliktit të Vietnamit. Ai mbeti aktiv në politikë, edhe pas ditëlindjes së tij të 100-të në maj. Në korrik 2023 ai bëri një vizitë të papritur në Pekin për të takuar presidentin kinez Xi Jinping. Diplomati, në fillim të luftës në Ukrainë, tha se shqetësimet e sigurisë së Vladimir Putinit duhet të merren seriozisht dhe vuri në dukje se ishte gabim që NATO-ja i sinjalizoi Ukrainës se mund t’i bashkohej aleancës. Kur u pyet se si u ndje kur pa disa arabë në rrugët e Berlinit duke festuar sulmin e Hamasit ndaj Izraelit, ai tha se ishte e dhimbshme. Emigracioni masiv ishte një gabim i rëndë, tha 100-vjeçari Kissinger në një intervistë të botuar në Politico muajin e kaluar. Po ashtu, Kissinger ishte i shqetësuar nga konkurrenca gjithnjë e më intensive mes Kinës e Amerikës për epërsi teknologjike dhe ekonomike.

LEAVE A REPLY

Please enter your comment!
Please enter your name here