klodi Stafuka dhe Gentjan Bejtja janë dy personat e plagosur që i shpëtuan atentatit të sotëm në Fushë-Krujë. Vetëm pak minuta më parë ata mbërritën në Spitalin e Traumës në Tiranë për të marrë ndihmë mjekësore. Rrethanat e plagosjes janë të paqarta. Por ajo që mësohet paraprakisht është fakti se Gentjan Bejtja nuk është emër i panjohur për policinë, pasi në vitin 2016 ai i ka shpëtuar një atentati me eksploziv.
Bejtja ka qenë i përfshirë në vjedhjen e makinës që u përdor për vrasjen e kryekomisar Dritan Lamajt në vitin 2013. Bejtja gjithashtu është ish-polic i Burgu të Fushë- Krujës dhe është i njohur për policinë për precedentë penalë në krimet ndaj pronës.
