Ish-anëtari i Këshillit Kombëtar të PD-së, Edvin Kulluri komentoi sot në emisionin ‘7 pa 5’ deklaratën e ish-kryeministrit Sali Berisha, që ka lënë të hapura mundësitë për t’u rikthyer në drejtimin e PD-së.
“E pakuptimtë, jashtë kontekstit, do të ishte e pamundur, nuk do t’i sillte asgjë të mirë partisë. Dorëheqja e Ruçit ishte mesazh për të gjithë të tjerët.”, u shpreh Kulluri.
Si anëtar i Grupimit për PD, Edvin Kulluri tha përballë gazetarit Thimi Samarxhiu se përpjekjet për ringritjen e Partisë Demokratike do të vazhdojnë pareshtur.