Deputeti i konfirmuar në parlamentin e ardhshëm të vendit tonë, Bledi Çuçi, ka falenderuar të gjithë mbështetësit e tij që e votuan në zgjedhjet e 25 Prillit.
Në Facbook Çuçi ka postuar disa foto nga fushata, ndërsa thotë se pa mbështetjen e të rinjve “fitorja nuk do kishte qenë kaq e lehtë”.
“Pa mbështetjen e të rinjve fitorja e 25 prillit s’do të kishte qenë aq e lehtë, aq e bukur, aq historike dhe kaq shumë frymëzuese për Shqipërinë e së ardhmes. Faleminderit me zemër!” shkruan Çuçi.
Çuçi mori mandatin e deputetit në Gjirokastër, ku mundi të sigurojë 11932 vota, deputeti i PS me numrin më të lartë të votave në këtë qark.
