Goditen dy bandat e fuqishme të trafikut të drogës. Policia italiane ka bërë të mundur finalizimin e megaoperacionit, duke arrestuar disa persona që vepronin në Milano.
Mediet italiane shkruajnë se bandat përbëheshin kryesisht nga italianë dhe shqiptarë, të cilët trafikonin sasi të mëdha kokaine dhe marijuane në Lombardi, që më pas i shpërndanin në zona të ndryshme të Italisë.
Hetimi për goditjen e këtyre bandave është koordinuar nga drejtori i Anti-Mafias së Milanos, dhe ka çuar pas hekurave disa trafikantë. Gjatë aksionit, janë sekuestruar një kompani, 3 skuterë, 2 motorë dhe 9 makina.