Protestuesit e “Black Lives Matter” rrëzuan barrikadat përreth një stacioni policor të Rochester, New York të hënën në mbrëmje.
Ata dolën në protestë kundër veprimeve të oficerëve të policisë, të cilët spërkatën me spraj piper një vajzë nëntë vjeçare duke e arrestuar.
Barrikadat ranë ndërsa u njoftua se oficerët e përfshirë në incident të premten, janë pezulluar.
Të hënën në mbrëmje, demonstruesit brohorisnin ‘Jetët e zeza kanë rëndësi!’ ndërsa ata arritën të kapërcenin pengesat metalike të vendosura jashtë zonës përpara se të dilnin në gardhin e brendshëm të parkingut.
Kryetari i bashkisë së Rochester, New York, urdhëroi pezullimin e menjëhershëm të oficerëve të përfshirë, të cilët panë vajzën të spërkatet ndërsa ajo ishte prangosur, një incident që u kap nga kamerat e trupit të policëve.
Kryetarja e Bashkisë Lovely Warren tha në një mesazh të postuar në Twitter se pezullimet (të njoftuara pasi ajo u takua me shefin e policisë së qytetit) do të vazhdonin “në minimum” derisa të përfundojë një hetim i brendshëm policor për arrestimin e të premtes.
“Ajo që ndodhi të premten ishte thjesht e tmerrshme dhe me të drejtë ka zemëruar të gjithë komunitetin tonë,” tha kryetari i bashkisë. ‘Për fat të keq, ligji shtetëror dhe kontrata e unionit më pengon të ndërmarr masa më të menjëhershme dhe serioze.’
