Zbardhen detajet nga dosja hetimore/ Ja si e zbuloi vajza se Tirja ishte sanitare pas telefonatës me doktoreshën

0
25

Është zbardhur një pjesë nga dosja hetimore sesi u zbulua sanitarja Tire Alldervishi që hiqej si infermiere duke mashtruar vajzën për ti shërbyer së emës së saj tek spitali ‘Shefqet Ndroqi’ duke i marrë 8 milionë lekë. 

Përmes dosjes mësohet se vajza e cila kishte të shtruar në pavijonin 2 nënën e saj të sëmurë me Covid ka kërkuar nga “infermierja” kundrejt pagesës që ti shërbejë nënës së saj.

Ndërkohë duket se biseda me një doktoreshë të pavijonit ku qëndronte 55 vjeçarja e cila i ka pohuar vajzës së viktimës se Tirja nuk ishte infermiere por sanitare, dhe nuk ishte pjesë e pavijonit të saj.

Sanitarja kundrejt pagesës i ka dërguar vajzës foto dhe video të nënës së saj gjatë kohës që ajo ishte e shtruar, dhe hiqej herë pas here sikur ishte pjesë e stafit që i shërbente të ndjerës.

Biseda e vajzës me doktoreshën:

Doktoresha: Alo…!

Denoncuesja: Alo, përshëndetje doktoreshë! Ju kërkoj ndjesë për shqetësimin….!

Doktoresha: Po!

Denoncuesja: Jam vajza e Liljanës, nëse më mban mend!

Doktoresha: Po, po patjetër, si je ti?

Denoncuesja: Dua vetëm një informacion, se po e vuaj shumë nga brenda…! Tirja ka qenë infermier, apo sanitare në spitalin tuaj?

Doktoresha: Jo, Tirja nuk është fare në pavjonin tonë, nuk ka lidhje fare me ne si pavion.

Denoncuesja: Po ku punon, në katin e tretë, sanitare apo infermiere?

Doktoresha: Sanitare

Ndërkohë pas marrjes së lajmit se ishte e mashtruar nga një person që hiqej si infermiere, vajza e 55 vjeçares që humbi jetën tek Covid 2 ka marrë sërish në telefon Tire Alldervishaj.

Në këtë komunikim denoncuesja ka kërkuar nga sanitarja që ti kthejë shumën prej 8 mln lekësh që i kishte marrë në këmbin për ti shërbyer nënës së saj e cila humbi jetën 28 ditë pas betejës me Covid.

PËRGJIGJU

Shkruani komentin tuaj
Vendosni emrin tuaj