Këto janë pamjet nga atentati që i është bërë sot 45-vjeçarit Ylli Ibrahimi në Milot. Ibrahimi po dilte nga një lokal kur u sulmua me breshëri plumbash.
Siç shihet edhe në pamje, atentatorët janë afruar me një motor, të maskuar dhe hapin zjarr. Shënjestra Ibrahimi ka qenë i shoqëruar dhe nga dy persona të tjerë.
45-vjeçari mbeti i plagosur rëndë dhe u dërgua me urgjencë për trajtim të specializuar në spitalin e Traumës në Tiranë, ku i është nënshtruar edhe një ndërhyrjeje kirurgjikale.
Dyshimet janë se atentati ka ndodhur pas një konflikti mes Ylli Ibrahimit dhe autorit. Policia është vënë në lëvizje për të bërë të mundur kapjen e autorëve dhe zbardhjen e ngjarjes.
