Një aksident me pasojë vdekjen është shënuar pasditen e sotmë në aksin rrugor Korçë-Maliq.
Një automjet ka aksidentuar këmbësorin 55-vjeçar i cili ndërroi jetë në spitalin e Korçës.
Drejtuesi i mjetit është shoqëruar në komisariat për të hedhur dritë mbi ngjarjen.
NJOFTIMI I PLOTE
Korçë/Informacion paraprak
Më datë 12.01.2021, rreth orës 19:10, në aksin rrugor Korçë-Maliq, në afërsi të fshatit Bulgarec, shtetasi K. D., duke drejtuar mjetin tip “Benz”, ka aksidentuar shtetasin A. G., rreth 55 vjeç, banues në Bulgarec, këmbësor në rrugë, i cili u dërgua në Spitalin e Korçës, ku ka ndërruar jetë.
Drejtuesi i mjetit u shoqërua në Komisariat për veprime të mëtejshme.
Grupi hetimor po punon për sqarimin e shkaqeve të aksidentit.