Shkarkimi i mjekut Allkja, Bardh Spahia: Dënim politik i Ramës për mjekët që thonë të vërtetën

0
39

Demokrati Bardh Spahia ka reaguar pas shkarkimit të mjekut të Urgjencës, Ilir Allkja nga detyra. Ai e cilëson vendimin politik dhe akuzon drejtpërdrejt kryeministrin Rama për agjitacion dhe propagandë në kulmin e pandemisë.

“Edi Rama nuk pyet aspak për interesin publik”,- tha Spahia.

Sipas tij, Partia Demokratike ka vendosmërinë për t’i kthyer mjekëve dhe profesionistëve të shëndetësisë dinjitetin e nëpërkëmbur nga pushteti.

STATUSI I PLOTË

Shqipëria sot nuk ka mjekë mjaftueshëm për t’u shërbyer qytetarëve, por Edi Rama ka nisur shkarkimin politik të mjekëve që nuk mbyllin gojën për të vërtetën e sistemit të rrënuar shëndetësor.

Mjeku i urgjencës Ilir Allkja është shkarkuar nga detyra, pas më shumë se 20 vitesh pune e sakrifice dhe pasi u ka shërbyer mijëra e mijëra qytetarëve të sëmurë.

Armiqësia e pushtetit ndaj një mjeku si Ilir Allkja duhet të jetë rast unik në botën demokratike. Shkarkimi i një mjeku të vijës së parë për agjitacion dhe propagandë në kulmin e pandemisë do të thotë se Edi Rama nuk pyet aspak për interesin publik.

Është koha që profesionistët si Ilir Allkja të ngrenë zërin për të vërtetën dhe të drejtën! Vetëm kështu i shërbehet interesit publik! Ky pushtet i kalbur është në grahmat e fundit! Bashkë do ta ndryshojmë këtë situatë.
Partia Demokratike ka vendosmërinë për t’i kthyer mjekëve dhe profesionistëve të shëndetësisë dinjitetin e nëpërkëmbur nga pushteti.

Është koha për ndryshim!

PËRGJIGJU

Shkruani komentin tuaj
Vendosni emrin tuaj