Moti i keq në qytetin e Durrësit ka pezulluar të gjithë lundrimet dhe era e fortë gjatë ditës së sotme vijon të jetë prezente në Gjirin e Durrësit dhe nuk ka kursyer as statujën e Redonit, e cila gjendet pranë shëtitores Taulantia.
Statuja e Redonit, Perëndisë Ilire të Deteve dhe Ujërave, vepër e skulptorit Ilirjan Xhixha, ishte vendosur në një nga sheshet kryesore të bregdetit të Adriatikut, në Durrës, si një simbol i fuqisë dhe përkatësisë pellazgo-ilire.
Statuja e perëndisë Redon, e njohur më vonë dhe me emrin Rodon është rrëzuar nga era mesditën e sotme.
