Këngëtari i njohur, Arkimed Lushaj, i njohur me emrin e artit Stresi është arratisur drejt Kosovës për t’i shpëtuar Policisë pasi është në kërkim.
Reperi Stresi ka bërë thirrje për protestë ditën e sotme në orën 18:00 pas ekzekutimit të Klodian Rashës nga një efektiv i policisë. Stresi thotë se do të gjejë një mënyrë për të ardhur ndërsa kërkon që të dijë të gjitha postoblloqet se ku do të jenë qytetarët e shpërndarë.
“Tu mendu për nesër në orën 18:00, unë jam me ju nesër sapo të mblidhemi me shumicë do jem aty si fantazëm, ju betohem në Zot që s’kam asnjë lloj synimi politik. S’më intereson askush në këto momente përvec drejtësisë. Nesër më dërgoni të gjithë infot, videot, postoblloqet që të jem pjesë e protestës dhe të bëhem me ju. #unejamklodiani”, shkroi Stresi mbrëmë pas mesnatës.
Ndërsa në një reagim tjetër në Instastory, Stresi tregoi bisedën e tij me babain, Sali Lushaj, i cili e mbështet në cdo hap duke i thënë “ti nuk ke vra njeri”.
