Zbardhen të tjera detaje të forta në lidhje me ngjarjen e rëndë, ku mbeti i vrarë biznesmeni Niko Goro. Bëhet me dije se autori i dyshuar Kliti Leka, 53 vjeç, pasi kishte vrarë 51-vjeçarin dhe më pas kishte plagosur motrën e këtij të fundit, ishte larguar në drejtim të Livadhit, ndërsa në automjet iu gjetën dhe dy armë, një automatik dhe një pistoletë.
Sipas grupit hetimor, ka dyshime se fakti që armët kishin ende plumba, autori kishte menduar që t’i jepte fund jetës duke u vetëvrarë. Por pas ndërhyrjes së policisë ai u neutralizua.
Autori i krimit nuk ka shfaqur pendesë, ndërsa pohoi se nuk kishte shkuar për ta vrarë biznesmenin.