Janë numëruar 93.4% e votave të zgjedhësve në Serbi, me partinë e Presidentit Vuçiç që po shkon drejt një fitore shumë të thellë.
Partia e Vuçiç deri më tani ka marrë 189 deputetë nga 250 të mundshëm, duke lënë pas me diferencë shumë të madhe partinë e Ivica Daçiç, e cila deri më tani ka arritur të sigurojë 32 mandate.
Partitë shqiptare këtë vit vendosën të bashkonin votat e tyre dhe të futeshin në zgjedhje nën një parti të vetme, që siç duket ka funksionuar, pasi për herë të parë në parlamentin e Serbisë shqiptarët do të jenë të përfaqësuar nga 3 deputetë.
Mbetet edhe akoma shumë pak vota për t’u numëruar, me partinë e Presidentit Vuçiç që ka siguruar fitoren, ndërsa partitë shqiptare presin nëse do të mund të sigurojnë edhe një mandat tjetër, për ta çuar në 4 numrin e përfaqësuesve në parlament.