Sipas BBC, nga frika për shëndetin e tyre, disa punonjëse e seksit po ofrojnë shërbime në internet për të mbajtur kontaktet me klientët. Megjithatë ato janë të shqetësuara për vijimësinë pas pandemisë.
Estelle Lucas ka punuar si eskortë për 10 vitet e fundit në Melburn. Ndonëse ka punuar gjatë për të krijuar një marrëdhënie me klientët, Covid i ka ndërprerë punën prej muajsh, duke krijuar kështu shqetësim edhe për të ardhmen në këtë industri.
“Nëse nuk punoj për 6 muaj, shumë nga klientët do të më harrojnë. Unë nuk mund t’i kontaktoj klientët e mi dhe thjeshtë të flas me ta. Kjo nuk funksionon në industrinë time. Ne duhet të ndërtojmë intimitet dhe kjo thjeshtë nuk është e mundur në mjedisin aktual”, ka thënë ajo.
