Koronavirusi nuk ka lënë pa prekur edhe botën e artit.
Tenori Placido Domingo nëpërmjet një postimi në rrjetet sociale ka njoftuar se është prekur nga koronavirusi.
“E ndjej si një detyrë morale t’ju njoftoj që kam rezultuar pozitiv me koronavirusin. Unë dhe familja ime do të qëndrojmë në vet-izolim për të gjithë periudhën e nevojshme mjekësore. Aktualisht jemi të gjithë mirë, por unë kam pasur simptoma si temperaturë dhe kollë dhe vendosa të bëj testin dhe dola pozitiv”, njofton Domingo.











































