Organizata Botërore e Shëndetësisë ngre alarmin për virusin, që tashmë mund të shndërrohet në një pandemi, edhe pse e kontrollueshme. “Kërcënimi për një epidemi po bëhet shumë real”, deklaroi shefi i përgjithshëm i OBSH-së.
Tedros Ghebreyesus tha se në një rast të tillë do të bëhet fjalë për të parën pandemi e cila mund të kontrollohet.
Shumë vende të botës janë prekur nga koronavirusi, edhe Shqipëria nuk është imune. Në vendin tonë u regjistruan dy rastet e para, bëhet fjalë për babë e bir, të cilët kanë pasur lidhje me një udhëtim në Firence të Italisë.
