Një fëmijë i porsalindur, ishte i ftuari special në Parlament ditën e djeshme, shkruan CNN. Kryeparlamentari Trevor Mallard e mbajti dhe ushqeu djalin vetëm një muajsh të deputetit, Tāmati Coffey ndërsa ky i fundit po mbante fjalim.
Këto pamje i publikoi në rrjetet sociale vetë Mallard, teksa shfaqet duke tundur beben ndërsa dëgjoi debatin.
Ky veprim i kryeparlamentarit është përshëndetur nga shumë njerëz në rrjetet sociale.
Por kjo nuk është hera e parë që një bebe futet në Parlamentin e Zelandës së Re. Vitin e kaluar kryeministrja Jacinda Ardern bëri të njëjtën gjë duke sjellë foshnjën e saj të sapolindur.
