Janë mbyllur hetimet për 613 kg kokainë të kapur në shkurt të 2018-ës në portin e Durrësit. Prokuroria ka dorëzuar dosjen në Gjykatë dhe pronari i kompanisë “Arbi Garden”, Arbër Çekaj është marrë i pandehur në mungesë. Ai ndodhet aktualisht në burg në Gjermani dhe nuk do të ekstradohet drejt Shqipërisë.
Deri më tani nuk ka informacion për persona të tjerë që do të dalin përpara Gjykatës për sasinë më të madhe të kokainës të kapur ndonjëherë në Shqipëri.
