Pas përfundimit të protestës së opozitës ditën e djeshme në Tiranës, policia ka nisur shoqërimin e personave të ndryshëm të cilët ishin pjesë e protestës. Kështu, një prej tyre për të cilin forcat e policisë po interesohen për të shoqëruar është shefi i Policisë Bashkiake në Shkodër, Anton Hasanpapaj.
Sikurse bëri të ditur sot, policia ka arrestuar 17 persona, 5 po hetohen në gjendje të lirë, ndërsa 7 të tjerë janë shpallur në kërkim.
Kujtojmë se mbrëmjen e djeshme policia arrestoi Florenc Hoxhën, ish drejtor i Policisë Bashkiake.
