Dy shqiptarë kanë përfunduar në pranga, si dhe janë sekuestruar mbi 500 kg lëndë narkotike nga autoritetet italiane.

Gjatë një operacioni në det të hapur, policia ka mundur të bllokojë një gomone, me ngarkesë 557 kilogramë lëndë narkotike të llojit marijuanë, të ndarë në 24 pako. Sipas mediave italiane, droga vinte nga Shqipëria dhe në pranga ranë dy skafistët, përkatësisht 32 dhe 27 vjeç.

Vlera e drogës llogaritej deri në 5 milionë euro dhe kishte si destinacion tregun italian.