Një aksident i rëndë ka ndodhur në qendër të qytetit të Beratit ditën e sotme. Autobusi i linjës Berat-Tiranë ka përplasur një motoçikletë tek Ura e Goricës. Si pasojë e përplasjes janë rrëzuar e plagosur një çift i moshuarish që ndodheshin mbi motor.
Në pamjet duket motori gati i futur nën autobus ndërkohë që në tokë ka dhe shenja gjaku. Çifti i të moshuarve është dërguar menjëherë në Spitalin e Beratit me ardhjen e ambulancës.
Sipas raportimeve të para, dy të plagosurit ndodhen në gjendje të rëndë shëndetësore. Policia ka shkuar në vendngjarje për zbardhjen e shkaqeve të aksidentit.
