Drejtësia ka dhënë verdiktin e radhës për pasuritë e familjes “Berisha”, pasi Apeli i Posaçëm i Gjykatës së Posaçme kundër Korrupsionit dhe Krimit të Organizuar ka rrëzuar ankimin e Jamarbër Malltezit dhe Argita Berishës (Malltezit) për heqjen e masës së sekuestros mbi 25 pasuri të vendosura nën bllokim. Vendimi i shkallës së dytë ka lënë në fuqi qëndrimin e mëparshëm të GJKKO-së, duke konfirmuar sekuestron mbi apartamente, vila dhe llogari bankare, të cilat janë vënë nën masë sigurie në kuadër të hetimeve për dosjen e njohur si “Partizani”. Kërkesa e çiftit Malltezi për lirimin e këtyre pasurive nuk është pranuar nga gjykata, duke e mbajtur në fuqi masën e vendosur nga organet e drejtësisë.
Për të njëjtën çështje është shprehur më herët edhe Gjykata e Lartë, e cila ka konfirmuar vendimin për sekuestrimin e pasurive. Kështu, edhe pas shqyrtimit në disa nivele gjyqësore, asetet vijojnë të mbeten të bllokuara deri në përfundimin e procedurave ligjore dhe hetimeve. Sipas të dhënave të bëra publike gjatë hetimit, pasuritë e sekuestruara kapin një vlerë rreth 5.4 milionë euro, ndërsa hetuesit kanë evidentuar një numër më të madh asetesh të deklaruara në emër të dhëndrit të ish-kryeministrit Sali Berisha, Jamarbër Malltezit.
Vetëm në Shqipëri, sipas raportimeve, rezultojnë rreth 35 pasuri të regjistruara, me një vlerë të konsiderueshme financiare, që llogaritet në dhjetëra miliona euro. Përtej pasurive në territorin shqiptar, hetimet kanë përfshirë edhe verifikimin e aseteve jashtë vendit. Në dosjen hetimore janë përmendur transaksione dhe pagesa bankare që lidhen me apartamente në disa prej qyteteve më të shtrenjta europiane.
Mes pronave të evidentuara janë një apartament në Mynih të Gjermanisë, ku pagesat bankare të zbuluara arrijnë në të paktën 450 mijë euro, një apartament në Bruksel me vlerë rreth 395 mijë euro, një pronë luksoze në Roterdam të Holandës me vlerë rreth 360 mijë euro dhe një tjetër apartament në Budapest të Hungarisë, që kap vlerën rreth 155 mijë euro.
Sipas hetimeve të SPAK, këto vlera përfaqësojnë vetëm ato pagesa dhe transaksione që janë mundur të identifikohen deri në momentin e dorëzimit të dosjes hetimore, ndërsa verifikimet për asete të tjera vijojnë. Prokuroria e Posaçme ka bërë të ditur se hetimi për dosjen “Partizani” mbetet aktiv dhe se çdo pasuri apo transaksion i dyshimtë do të jetë pjesë e analizës së mëtejshme.
Vendimi i Apelit të Posaçëm për të lënë në fuqi sekuestron e 25 pasurive përbën një tjetër zhvillim të rëndësishëm në këtë proces, ku në qendër janë akuzat dhe hetimet për mënyrën e krijimit dhe përfitimit të disa prej këtyre aseteve. Çështja “Partizani” ka marrë vëmendje të gjerë publike dhe politike, pasi lidhet me një nga dosjet më të rëndësishme të hetuara nga SPAK. Tashmë, pritet vijimi i procedurave gjyqësore dhe përfundimi i hetimeve për të përcaktuar përgjegjësitë ligjore dhe fatin përfundimtar të pasurive të sekuestruara.
LISTA e plotë e pasurive të sekuestruara
1) Shuma prej 63 657.10 euro gjendur në llogarinë Bankare pranë ….. në monedhën euro me nr. 113398964650127 në emër të shtetasit Jamarbër Malltezi;
2) Shuma prej 2 699 408.46 lekë gjendur në llogarinë pranë …… në monedhën lek me nr. 00000027583-74 në emër të shtetasit Jamarbër Malltezi;
3) Shuma prej 29 259.43 USD gjendur në llogarinë bankare pranë ……. në monedhën USD me nr. 40201835101 në emër të shtetasit Jamarbër Malltezi;
4) Shuma prej 62 018.49 euro gjendur në llogarinë Bankare pranë ……. në monedhën Euro me nr. 40201835102 në emër të shtetasit Jamarbër Malltezi;
5) Shuma prej 45 705.66 euro gjendur në llogarinë Bankare pranë …….. në monedhën Euro me nr. 40201838001 në emër të shtetasit Jamarbër Malltezi;
6) Shuma prej 26 492.72 euro gjendur në llogarinë Bankare pranë ……… në monedhën Euro me nr. 403592661, në emër të shtetasit Jamarbër Malltezi.
7) Pasuria Nr. ND 2/261+2-19 vol.27, faqe 213, zk.8160, apartament me sipërfaqe 128.3 m2 I ndodhur në Rr “Mustafa Matohiti” Godina 7, Hyrja 2, apartamenti 8.
8) Bodrumi i ndodhur në Tiranë, rruga “Mustafa Matohiti”, me sipërfaqe 18 m2, ZK 8160 pasuria ND 2/261-B9 vol 28 faqa 56.
9) Bodrumi të ndodhur në Tiranë, rruga “Mustafa Matohiti”, me sipërfaqe 28 m2,ZK 8160, pasuria nr. 2/261-B24 vol 28 faqa 71
10) Pasuria Nr. ND 2/261+2-25 vol.27, faqe 190, zk.8160, apartament me sipërfaqe 195 m2 i ndodhur në Rr “Mustafa Matohiti”, shkalla 1, kati i 8 apartamenti 25.
11) Pasuria nr. 2/261/ND+1-12, vol. 27, fq. 177, zk. 8160, me sipërfaqe 102.60 m2.
12) Pasuria Nr.4/90+1-23 vol.68, faqe 227, zk.8270, apartament me sipërfaqe 208.20 m2 i ndodhur në Rr “Dëshmorët e 4 Shkurtit, Tiranë.
13) Pasuria 4/90-G6, VOL.68, FQ.131, ZK. 8270. 14) Pasuria Nr. 370/18 vol.8, fq.219, zk.3051 në bashkëpronësi të Jamarbër Malltezit dhe Argita Malltezit.
14) Pasuria Nr.370/18 vol.8, fq.219, zk.3051 në bashkëpronësi të Jamarbër Malltezit dhe Argita Malltezit.
15) Apartament me numër pasurie Nr. 3/491+19-4 Vol.62, fq.42, zk.8220 me sipërfaqe 346.1 m2 dhe sipërfaqe të përbashkët 70.3 m2.
16) Apartament me numër pasurie Nr. 3/491+19-5 Vol.62, fq.47, zk.8220 me sipërfaqe 356.3 m2 dhe sipërfaqe të përbashkët 68.8 m2 17)Njësi me numër pasurie Nr. 3/491+19-N3 Vol.62, fq.26, zk.8220 me sipërfaqe 459.6 m2 dhe sipërfaqe të përbashkët 43.03 m2
17) Njësi me numër pasurie Nr.3/491+19-N3 Vol.62, fq.26, zk.8220 me sipërfaqe 459.6 m2 dhe sipërfaqe të përbashkët 38.7 m2
18) Njësi me numër pasurie Nr. 3/491+19-N2 Vol.62, fq.27, zk.8220 me sipërfaqe 379.6 m2 dhe sipërfaqe të përbashkët 38.7 m2
19) Njësi me numër pasurie Nr. 3/491+18-N3 Kodi Unik 8220062026 me sipërfaqe 459.6 m2 dhe sipërfaqe të përbashkët 43.3 m2 20) Apartament me numër pasurie Nr. 3/491+19-2 Kodi Unik 8220062032 me sipërfaqe 375 m2 dhe sipërfaqe të përbashkët 31.1 m2
20) Apartament me numër pasurie Nr.3/491+19-2 Kodi Unik 8220062032 me sipërfaqe 375 m2 dhe sipërfaqe të përbashkët 31.1 m2.
21) Truall dhe vile (apartament dublex) i vendosur mbi këtë truall me nr pasurie 172/277 ZK 2375 vol 14 faqa 77 me sip trualli 187.7 m2, me sip ndërtimi 76.23 m2 e ndarë në kati përdhe me sip 76.23 m2 kati i parë më sip 76.22 m2 si dhe verande me sip 22.73 m2.
22) Pasuria me numër 3/201+2-N3,vol.28, fq.26 e ndodhur në ZK.8220, me sipërfaqe 107 m2, Ruga Frosina Plaku, kati përdhe i godinës 9 (nëntë) katëshe shkalla 2.
23) Masen 45% te kuotave te kapitalit themeltar te shoqerise Homeplan sh.p.k. me NIPT K81803020E, ne emer te shtetasit Jamarber Malltezi;
24) Masen 100% te kuotave te kapitalit themeltar te shoqerise Magnet IMO sh.p.k. me NIPT L81714031D, ne emer te shtetasit Jamarber Malltezi;
25) Masen 60% te kuotave te kapitalit themeltar te shoqerise Magnet Gym&Fit, me NIPT L72022010B, ne emer te shtetasit Jamarber Malltezi.
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.
